Webwerf is besig om gebore te raak

Feb 2012 ~ die webwerf vanwykdevries.com is nou uiteindelik stelselmatig besig om weer op te staan. Na lank se wik en weeg oor uitleg en inhoud, is daar nou rigting en drank betrokke. So, dinge gebeur!

Hou dop soos dit aangaan. Die padstalletjie, en musiek, liriek en video afdelings gaan van nou af opgebou word teen 'n groot spoed. Die biografie deel het ook nou jou hulp nodig: Gaan skryf bietjie JOU ervaring of "bio" van Piet neer, dan publiseer ons dit hier. Dit behoort nogal interresant te wees!

Kontrak met Storm Rekordz: Nuwe album is oppad!

Feb 2012 ~ Na meer as 'n jaar van gesels onderhandel het Piet van Wyk de Vries en Storm Rekords besluit om 'n promosie en verspreidings ooreenkoms vas te maak. Dit gaan lei tot Piet se eerste album uitreiking in 2 jaar, en eerste kommersiele uitreiking sedert die suksesvolle die Son die Maan die Sterre album meer as 5 jaar gelede. Die ooreenkoms met Storm Rekords gaan binne die volgende dae gefinaliseer en geteken word, ons gaan probeer om 'n foto te kry!

Die nuwe album gaan bekendgestel word in Pretoria en Bloemfontein, en dalk die Kaap ook, beginnende met 'n groot optrede by die Atterbury Teater in Pretoria, op die 7de Mei (wat ook Piet se verjaarsdag is). Daar is ook beplan om 'n nuwe liedjie en video publiek uit te reik 'n paar maande voor die album. Meer nuus soos dit kom!