Ek het my vlot met dryfhout gebou

En gemik vir jou

Ek het die aande getel op die golwe

Daar was sout op my tong en in my oë

Maar daar was wysies in die water daar was woorde in die wind

En ek het geglo

Dat die see tot ‘n einde sal kom

By daai liggie op die horison

Jy het ‘n vuur begin

En dit het my hier gebring

En selfs al is die storm van die eeu op ons

Is jy hier veilig by my

Want jy’t my uit die water getrek en ek

Ek het jou eiland gekry

Partykeer droom ons van liefde

In ‘n brief in ‘n bottel in die sand

In jou hand

En dit sê

Hierdie wêreld behoort aan die dromers

En die dromers behoort aan die see

En daar is strome agter branders

Daar’s golwe en getye

Tussen ons twee

Is daar hele oseane en soms

Net ‘n stroompie in die pad tussen ons

…maar net ‘n handvol  reën op jou venster