Grys mores en liedjielinge

Wat dryf voor my oë verby

En links langs my pen verskyn

Wat liedjies word van ware liefde

Nie TV- liefde nie

Stukkend liefde

Wat kriewels in jou maag indruk

Jou bors oopskeur en die woorde uitruk

Ek kan nie ophou met jou nie

Alle soorte verstotelinge

Dol gedagtes in wentelkringe

Wat los woorde in sirkels inrym

Wat bokant my kop verskyn

En stories word van regte mense

Nie sprokiesmense nie

Aardemense

Wat meer see is as elke brander

Meer seer as elke ander

Ek kan nie ophou met jou nie

Ek los my liedjie

Hier op die wind

Miskien eendag sal

Jy hom vind

Miskien word hy ‘n venster in tyd

Miskien eendag sal iemand terug in kyk

Na elke ou herinnering

Wat om my kom staan en sing

Wysies met vingers in

Wat voel waar die einde begin

Van elke een se liefdesliedjie

Se lekkerkry en hartseer liedjie

Met meer pyn en min akkoorde

Meer wyn en minder woorde