| ingesluit op die album die son die maan die sterre. ook opgeneem deur mathys roets onder andere.die foto bo is mariette se wals deur bess rheeders van haar piet van wyk de vries uitstalling. daar is 'n bootleg video afgeneem by pierneef teater van 'n lewevedige opvoering van die liedjie. | ||
|
|
Mariëtte se Wals
Woorde en Musiek : Piet van Wyk de Vries
Wat van ‘n wens
Gefluister in my oor?
Jou grootste geheim het geglip deur jou lippe
En ek het gehoor
Wat van ‘n traan
Geknip uit jou oë?
Ek het geveg vir ‘n plek in jou lewe
En ek het verloor
So wat van ‘n wals Mariëtte?
Ek wou jou vertel van die sterre
Ons almal het vlerke maar ons
Hardloop hier rond op die grond
Aan die stap sonder spore
Maar jy Mariëtte
Kan dans tot jou hart breek en steeds
Kyk na die liggies daar bo
En wonder wat hou jou hier onder
Aan die slaap sonder drome
Vanaand Mariëtte
Is al wat ons het
Hierdie wals
Wat van ‘n blom
Gevang in ‘n raam?
So het ek jou vas probeer skilder aan my
Maar jy’t weg gegaan
Wat van ‘n kans
Om vir oulaas te dans?
Om nog een keer die wêreld vir jou te kan wys
En te hoop jy verstaan
So wat van ‘n wals Mariëtte ?
Ek wou jou vertel van die sterre
Ons almal het vlerke maar ons
Hardloop hier rond op die grond
Aan die praat sonder woorde
Maar jy Mariëtte
Kan dans tot jou hart breek en steeds
Kyk na die liggies daar bo
En wonder wat hou jou hier onder
Aan die slaap sonder drome
Vanaand Mariëtte
Is al wat ons het
Hierdie wals
skildery deur Bess Rheeders
|
Party mense pas jou motor op. Ander pas jou taal en jou hart op. As jy donasies gee vir mense wat maak asof hulle jou karretjie oppas, hoekom nie ook vir iemand wat maak asof hy kan skryf nie?
|
vir navrae, epos Alishia by Storm Rekordz of bel haar by 083 635 4717 |
vir besprekings of 012 653 6162 |
|
|
|
© everything on this website is protected / alles op hierdie webwerf hap 'n moerse skoot |
