Kersfeeskind

Woorde en Musiek : Piet van Wyk de Vries

Die tyd staan stil, as jy wil

En dink dit moet

Die wêreld was klaar in sewe dae

En dit was goed

Die lyne van lig op jou gesig

Loop na jou oë

Waar die tyd aan jou vat, vat ek aan jou

Vat die jare terug

En ek wens net dit: Om langs jou te sit

Soos jy jou lewe leef

En aan jou te dink as ‘n kind op Kersfees

Deur die stille nag sit ek en wag

Vir jou my lief

Die sterre wink en ek dink

Kan ek asseblief

Net wens vir dit: Om langs jou te sit

En jou oë te lees

Ek droom van jou

Net soos ‘n kind van Kersfees

Ek hang aan jou lippe soos reën aan die wolke

Op ‘n warm Somer laeveld aand

Jy vertel jou storie van trane in glorie

En ek verstaan

En ek verstaan

Die jare gly by ons verby

Tyd deur jou hand

Die aarde draai vir jou en my

Van sand tot sand

En as ek kon dan sou ek weer

My lewe wou kom leef

Om jou weer te vind

Net soos ‘n kind op Kersfees