Vir al hierdie monsters wat jou nog gaan pla

Miskien sal jy lewe agter die ruite

Miskien sal jy wegkruip agter die vrae

Saam met die wind gaan jy nog leer hardloop

En daars vir jou hartseer agter die maan

Net soos die seisoene sal alles verander

Die oomblik wat jy dink dat jy alles verstaan

Maar die see sal blou bly vir altyd

Sê hallo Adriaan, sê hallo

Saam met die reën sal jy sien die lewe

Sal jou altyd laat opstaan om jou verder te leer

En net soos jou hart sal bloei soos die lente

So sal jou hart ook bloei van die seer

Maar my liefde sal jou vashou vir altyd

Sê hallo Adriaan, sê hallo

En ek hoop elke aand bring vir jou sy sterre

En ek hoop elke ster bring vir jou `n wens

En ek hoop ek kan al jou vrae beantwoord

En ek hoop dat jy sal lank nog hier by ons kan bly

Maar ek bid vir die krag dat as daardie dag kom

En jy jou vlerke wil oopsprei, dat ek jou kan bevry

Maar jy is deel van my vir altyd