Fluister

Woorde en Musiek : Piet van Wyk de Vries

Die mure tussen jou en my het ore

En hoor al die geheime wat ons hou

‘n Doolhof vol van harte lank verlore

die mure tussen my en jou

Die see tussen die twee van ons is dieper

Dieper as die drome in jou oë

Maar die liefde wat ons harte bymekaar hou

Is n boot en hou my bo

Droog jou trane af ek luister

Sing jou lied vir my ek hoor

Sing so sag dat selfs die engel nader skuif

En sê jy’s lief vir my maar fluister dit in my oor

Die hartstog tussen jou en my is groter

Groter as wat ek ooit kon beheer

Die beste deel van liefde is die soektog

Maar die grootste deel van liefde is die seer