Liedjie vir 'n engel

Woorde en Musiek : Piet van Wyk de Vries

Triplane Music/ EMI Publishing SA

Vou jou toe in jou vlerke

Verby verby

Vloei die dinge van die wêreld

Gaan sit jou tone in die water

‘n Laaste roep voor ons toemaak

Vir wyn vir wyn

Nog ‘n heilige heildronk

Voor jy val op die aarde

Maak jou oë toe en spring

Engel van my

Ek wag al jare vir jou

Om jouself te bevry

Vir al die dinge wat jou so wegvat

Om jou terug te bring

Terug te bring

Vir my

Sing jou stadigste liedjie

Vir my vir my

Ek het jou gemaak presies wat jy is

Troebel en suiwer

So wat maak jy met jou liefde?

Baklei baklei

Jy staan op die drumpel van als wat jy ooit wou hê

En ek sien jy huiwer

Die see sing vas teen die strande

Die wind speel in die son se snare

Ek is lief vir jou

So als is reg op die aarde

Als is reg

Op die aarde